Menu

தீபாவிடம் சசிகலா தரப்பு குறுக்கு விசாரணை..!!!

ஜெயலலிதா மரணம் குறித்து விசாரிக்கும் ஆறுமுகசாமி ஆணையத்தில் தீபா உள்ளிட்ட 7 பேரிடம் சசிகலா தரப்பு குறுக்கு விசாரணை

 

ஜெயலலிதா மரணம் குறித்து விசாரணை நடத்தி வருகின்ற ஆறுமுகசாமி ஆணையத்தில் ஜெயலலிதா அண்ணன் மகள் தீபா மற்றும் மாதவன் உள்ளிட்ட 7 பேரிடம் சசிகலா தரப்பினரால் குறுக்கு விசாரணை நடைபெற்றது.

 

தீபா, மாதவன், தி.மு.க. மருத்துவர் அணியைச் சேர்ந்த டாக்டர் சரவணன், முன்னாள் அமைச்சர் ஆனூர் ஜெகதீசன் மற்றும், ஜெயலலிதா மரணம் தொடர்பாக தாங்கள் விளக்கம் அளிக்கத் தயாராக இருப்பதாக ஆறுமுகசாமி ஆணையத்தில் தொடக்கத்தில் மனு தாக்கல் செய்த ஜோசப், மதுரை பாலன், பாலமுருகன் ஆகியோரிடம் சசிகலா தரப்பு சட்டத்தரணிகள் குறுக்கு விசாரணை செய்துள்ளனர்.

 

பின்னர் ஊடகங்களுக்கு கருத்து தெரிவித்த வைத்திய காலாநிதி சரவணன் செப்டம்பர் 22-ஆம் திகதி கோமா நிலையில் இருந்த ஜெயலலிதா 23-ஆம் திகதி ஆளுனருக்கு கடிதம் அனுப்பியதை நம்பமுடியவில்லை என்று தெரிவித்துள்ளார்.

 

திருப்பரங்குன்றம் இடைத்தேர்தலுக்காக பெறப்பட்ட ஜெயலலிதாவின் கை ரேகையை தனியார் தடயவியல் நிறுவனத்திடம் கொடுத்து ஆய்வு செய்ததில் முரண்பாடுகள் இருந்ததாகவும் சரவணன் குற்றம் சுமத்தியுள்ளார்.

 

சிகிச்சை அளித்த சிங்கப்பூர் மருத்துவர்களையும் விசாரணைக்கு அழைக்கவும், சிகிச்சைக்குக் தடையாக இருந்தவர்கள் யார் என கண்டறியவும், ஆறுமுகசாமி ஆணையம் அறிக்கை சமர்ப்பித்த பின் அதனை தமிழக அரசு வெளியிடவேண்டும் என்றும் ஆனூர் ஜெகதீசன் வேண்டுகோள் விடுத்துள்ளார்.

தமிழகத்தில் மழைக்கு வாய்ப்பு – வானிலை ஆய்வு மையம்

சென்னையை பொறுத்தவரை வானம் ஓரளவிற்கு மேக...

Leave a Reply

Right Menu Icon